మగ మృగాలు

ఇలాంటి దాడులు జరిగితేనే కదా -
మనబోంట్లకు (మీడియాకు) చేతి నిండా పని దొరికేది.
రాజకీయ నాయకుల మైకులు మరింత వేడెక్కేది.

ఇలాంటి దాడులు జరిగితేనే కదా -
చరిత్రను తవ్వుకునేందుకు అవకాశం దొరికేది.
మారిన ప్రభుత్వాల నడుమ దాడుల వ్యత్యాసాన్ని లెక్క కట్టేది.

ఇలాంటి దాడులు జరిగితేనే కదా -
సామాన్య జనం నుండి మేధావి వర్గం వరకు
కలాలకు, కులాలకు పట్టిన బూజు దులిపేది.

ఇలాంటి దాడులు జరిగితేనే కదా -
ఇలాంటి అభాగినులు ఉంటేనే కదా -
ఇలాంటి మగ మృగాలుంటేనే కదా -
ఆంధ్ర దేశాన్ని ఆంధ్ర దేశంగా గుర్తించేది!!

మరేమంటాం..
మరేమనగలం..
అంటే వింటారా?

(http://discussion.webdunia.com/Telugu చర్చావేదికకు స్పందన…)